गडचिरोली जिल्ह्यामध्ये सुरू असलेल्या नवरात्र उत्सवाच्या अनुशंगाने पोलीस अधिक्षक नीलोत्पल, यांचे अवैध दारू विक्रीवर अंकुश लावण्याबाबत मिळालेल्या आदेशान्वये दिनांक २१/१०/२०२३ रोजी पो.शि. ४०३२ सराटे पो.स्टे. देसाईगंज यांना खात्रीशीर बातमीदाराकडून दुचाकी वाहनाने एक इसम मौजा कोरेगाव येथून कुरखेडा मार्गे छत्तीसगड येथे अवैधरित्या देशी दारूची वाहतुक करणार आहे, अशी खात्रीशिर माहीती मिळाल्याने पोलीस निरीक्षक रासकर पोलीस स्टेशन देसाईगंज यांचे मार्गदर्शनात पोलीस उपनिरीक्षक ज्ञानेश्वर धनगर, पोलीस अंमलदार ढोके, सराटे यांनी सापळा रचून इसम नामे टिकाराम दुधराम राऊत वय- २४ वर्षे रा. कोरंबी टोला, ता. अर्जुनी मोरगाव जि. गोंदिया यास पकडले व त्याचे ताब्यातून १) अॅक्टीव्हा काळया रंगाची दुचाकी वाहन क्र. एम एच २३ ए ई ३८७१ किं. ७००००/- रू. २) देशी दारु मंत्री कंपनीच्या १० मि.ली. मापाच्या प्लॅस्टीकच्या ४०० नग सिलबंद बॉटल किं.अं. ३२०००/- रु. असा एकूण १,०२,०००/- रु. किंमतीचा माल जप्त करून सदर आरोपीवर पो.स्टे. देसाईगंज येथे गुन्हा दाखल करण्यात आला. सदर कारवाई पोलीस अधीक्षक निलोत्पल, अपर पोलीस अधीक्षक (प्रशासन) कुमार चिंता, मा. अपर पोलीस अधीक्षक (अभियान) अनुज तारे, उपविभागीय पोलीस अधिकारी साहील झरकर, यांचे मार्गदर्शनात पोस्टे देसाईगंज येथील पोलीस निरीक्षक किरण रासकर यांच्या नेतृत्वाखाली पोउपनि ज्ञानेश्वर धनगर, पोलीस अंमलदार संतोष सराटे, विलेश ढोके यांनी केली आहे. सदर गुन्हयाचा पुढील तपास पोलीस उपनिरीक्षक ज्ञानेश्वर धनगर हे करित आहेत.
अवैधरित्या दारू वाहतूक करणाऱ्या इसमावर देसाईगंज पोलीसांची कारवाई
byGadchiroli Varta News
-
0
Tags
देसाईगंज
Posted by Gadchiroli Varta News
संस्थापक / मुख्य संपादक:- भास्कर फरकडे द्वारा निर्मित "गडचिरोली वार्ता न्यूज " Reg no. UAM - MH-10-0007205 www.gadchirolivartanews.in या न्युज पोर्टलची निर्मिती दि. 31/08/2022 ला करण्यात आली. या वेबसाईट वर प्रसिध्द झालेल्या बातम्या आणि लेखामधून व्यक्त झालेल्या प्रत्येकच मताशी संचालक / संपादक सहमत असतीलच असे नाही. बातमी मजकुरा संदर्भात काही वाद निर्माण झाल्यास तो चामोर्शी तालुका न्यायालय अंतर्गत मर्यादित राहील.
Post a Comment