दिनांक 05/09/2023 रोजी पोस्टे चामोर्शी येथे अल्पवयीन फिर्यादी तथा पिडीता हिने येवून तक्रार दिली की, तिच्या परिचयातील आरोपी नामे संजु बबलु रॉय याने त्याचा नातेवाईक प्रदिप दिपक रॉय याचे मदतीने घरात बंदीस्त करून तिच्यावर लैंगिक अत्याचार केला. फिर्यादीचे तक्रारीवरून पोलीस स्टेशन चामोर्शी येथे गुन्हा नोंद करून तपास सुरु करण्यात आला. तपासादरम्यान आरोपी नामे प्रदिप दिपक रॉय यास चामोर्शी पोलीस स्टेशन मार्फत अटक करण्यात आली होती. परंतु, गुन्ह्राची चाहुल लागताच मुख्य आरोपी नामे संजु बबलु रॉय हा त्याचे राहते घरातून तसेच परिसरातून फरार झाला.
सदर गुन्ह्राचे गांभीर्य बघून पोलीस अधीक्षक, श्री. नीलोत्पल यांनी स्थानिक गुन्हे शाखा येथील अधिकारी व कर्मचारी यांना फरार आरोपीचा शोध घेण्याबाबत निर्देशित केले. त्याअनुषंगाने स्थानिक गुन्हे शाखेचे एक पथक आरोपीचा ठावठिकाणा मिळवित असतांना त्यांच्या असे निदर्शनास आले की, आरोपी वारंवार परराज्यात व परजिल्ह्रात राहुन त्याचा ठावठिकाणा बदलवित आहे. तरीदेखिल तपास पथकांनी त्यांचे शोध घेण्याचे कार्य सुरु ठेवले असतांना त्यांचे गोपनिय सुत्रांकडून खात्रीशीर माहीती मिळाली की, आज दिनांक 18/10/2023 रोजी सदर गुन्ह्रातील फरार आरोपी संजु बबलु रॉय हा आष्टी-गोंडपिपरी मार्गावर त्याचे नातेवाईकास भेटण्याकरीता येणार आहे. त्या माहीतीच्या अनुषंगाने स्थानिक गुन्हे शाखा येथील पोलीस अधिकारी व कर्मचारी यांनी वरील मार्गावर सापळा रचून फरार आरोपी नामे संजु बबलु रॉय यांस शिताफिने ताब्यात घेवून पुढील कायदेशिर कारवाईस्तव पोलीस स्टेशन चामोर्शी यांचे ताब्यात दिले.
सदरची कारवाई मा. पोलीस अधीक्षक, श्री. नीलोत्पल, अपर पोलीस अधिक्षक श्री. कुमार चिंता यांचे आदेशाने व पोलीस निरीक्षक श्री. उल्हास भुसारी यांचे मार्गदर्शनाखाली सपोनि. राहुल आव्हाड, पोशि/3951 प्रशांत गरफडे व चापोहवा/1681 मनोहर तोगरवार यांनी पार पाडली.
Post a Comment