राकॉच्या नेत्या भाग्यश्री ताई आत्राम यांची उपस्थिती
मुलचेरा:-तालुक्यातील गोविंदपूर ग्रामपंचायत अंतर्गत समाविष्ट मथुरानगर येथे आयोजित भागवत सप्ताह व महानाम संकीर्तन कार्यक्रमात राष्ट्रवादी काँग्रेसच्या नेत्या तथा माजी जि प अध्यक्ष भाग्यश्री ताई आत्राम यांनी उपस्थित राहून आशीर्वाद घेत कथेचे श्रवण केले.
मथुरानगर येथील हिंदू मिलन मंदीरात २४ ते २९ फेब्रुवारी पर्यंत विविध कार्यक्रमांचे आयोजन करण्यात आले.त्यात मंगल आरती,कलश यात्रा,अभिषेक पूजा,भजन,कीर्तन तसेच आदी कार्यक्रमांचा समावेश होता.मंगळवार (२७ फेब्रुवारी) रोजी वृंदावन येथील दिव्या किशोरी यांचे भागवत प्रवचन कार्यक्रम संपन्न झाले.या कार्यक्रमात माजी जि प अध्यक्ष भाग्यश्री ताई आत्राम यांनी उपस्थित राहून भागवत प्रवाचनाचे श्रवण करत आशीर्वाद घेतले.
दरम्यान मथुरानगर येथे आगमन होताच मंदिर कमिटी तर्फे ताईंचे पुष्पगुच्छ देऊन स्वागत केले.ताईंनी हिंदू मिलन मंदिर कमिटीच्या सदस्यांशी संवाद साधून कार्यक्रमाची माहिती घेतल्या व होणाऱ्या कार्यक्रमास शुभेच्छा दिल्या.यावेळी नगरसेवक अमोल मुक्कावार, कमिटीचे सदस्य तसेच मथुरानगर येथील नागरिक मोठ्या संख्येने उपस्थित होते.
Post a Comment